Aprobados polo Pleno do concello, na sesión do 29 de xaneiro de 2002, os pregos de condicións facultativas e económico-administrativas para a contratación por concurso do servicio de recollida de residuos sólidos urbanos e o seu transporte á planta de transferencia, expóñense ó público na secretaría deste concello polo prazo de oito días naturais con
tados a partir da publicación do edicto no DOG, para efectos de exame e presentación de reclamacións que, de non presentarse, se entenderán definitivamente aprobados.
De conformidade co disposto no artigo 122.2º do R.D. lexislativo 781/1986, do 18 de abril, anúnciase simultaneamente a licitación (se ben se aprazará no suposto de producirse reclamacións ós pregos).
1. Entidade adxudicadora.
a) Organismo: Concello de Friol.
b) Dependencia: Secretaría.
2. Obxecto do contrato: a concesión dos servicios de recollida de residuos sólidos urbanos do Concello de Friol e transporte á estación de transferencia de Lugo, sen necesidade de execución de obras.
3. Prazo de execución: 15 anos, prorrogables por acordo expreso das partes, ata o máximo de 25 anos.
4. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Adxudicación: por concurso.
5. Orzamento de licitación: os interesados na licitación presentarán un plan ou proxecto de explotación pormenorizado e estudios económicos, con expresión dos medios materiais e persoais que pensen adscribir á concesión, así como as melloras que, se é o caso, acheguen, sen custo para o concello.
6. Garantías: a provisional polo importe de 1.200 euros e a definitiva do 4% do prezo de adxudicación.
7. Obtención de información: ata o día que remate o prazo de presentación de ofertas, no Concello de Friol, con enderezo na praza de España, nº 1, teléfono: 982 37 50 01, fax: 982 37 52 06.
8. Presentación de ofertas. Prazo e lugar.
As empresas interesadas en participar na licitación presentarán as súas propostas no prazo de 26 días naturais, contados a partir do seguinte ó da inserción de edicto no DOG, no rexistro xeral do Concello de Friol.
9. Documentación que hai que presentar: ademais da oferta económica, os interesados deberán presenta-la documentación esixida no punto 16 dos pregos de condicións. Deberán acreditar expresamente o cumprimento do establecido na Lei 10/1997, do 22 de agosto, de residuos sólidos de Galicia, no seu artigo 13.
10. Apertura de propostas: na casa do concello, ás doce horas do terceiro día hábil seguinte (excluídos sábados) ó da finalización do prazo de presentación de ofertas.
11. Gastos de anuncios: serán por conta do que resulte adxudicatario do servicio o aboamento dos anuncios que se publiquen nos diarios oficiais por razón deste contrato.
O que se fai público en cumprimento do establecido no artigo 326 da Lei 5/1997, do 22 de xullo, de administración local de Galicia.
Friol, 30 de xaneiro de 2002.
Antonio Muíña Pena
Alcalde