O 14 de xaneiro de 2002 esta secretaría xeral acordou a incoación de expediente disciplinario ó abeiro do disposto no artigo 49 do III Convenio colectivo único para o persoal laboral da Xunta de Galicia a Juan Carlos Costoya González, persoal laboral interino coa categoría de peón do Servicio de Defensa contra Incendios Forestais, por non terse incorporado ó seu posto de traballo desde o día 22 de decembro de 2001, o que pode ser constitutivo dunha presunta actividade infractora de incumprimento das súas obrigas laborais que é necesario esclarecer.

Na resolución pola que se acorda a incoación do expediente foron nomeados os funcionarios Luis Quiroga Arnal e Emilia Benito López, instructor e secretaria do procedemento, respectivamente.

Intentada a notificación da incoación do expediente por medio de carta certificada con xustificante de recepción, foi devolta polo servicio de correos coa indicación de terse ausentado sen deixa-lo enderezo o interesado.

O instructor do expediente intentou, pola súa vez, a citación para a toma de declaración ó expedientado, que foi devolta polo servicio de Correos coa mesma indicación que a anterior.

Na súa virtude, de conformidade co disposto no artigo 59.4º da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, notifícaselle ó interesado a incoación do expediente disciplinario, así como a concesión dun prazo de dez días hábiles, contados a partir do día seguinte ó da publicación desta notificación, para que compareza ante o instructor do expediente para efectos de prestar declaración, na Delegación Provincial da Consellería de Medio Ambiente en Lugo; Ronda da Muralla, 70 baixo, 2º, en horario de mañá.

Santiago de Compostela, 13 de febreiro de 2002.

José Luis Aboal García-Tuñón

Secretario xeral de Medio Ambiente