Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Electra del Jallas, S.A.
Domicilio social: pza. de Constitución, 17, 15270 Cee (A Coruña).
Denominación: L.M.T., C.T., R.B.T. Val.
Situación: Mazaricos
Descricións técnicas: liña eléctrica aéreo-subterránea de media tensión a 20 kV, sobre apoios de formigón e metálicos tubulares e conductor LA-56, de 538 m de lonxitude no seu tramo aéreo, coa orixe no apoio nº 179 da liña Pontella-Lucín, seguido de tramo subterráneo, baixo tubo e conductor R.H.V. 12/20 kV de 3(1x240) mm Al, de 45 m de lonxitude e C.T. en polígono industrial de Mazaricos, a instalar.
Centro de transformación, en caseta prefabricada de formigón, de 400 kVA e tensións de 20/0,380-0,220 kV, do que parte un circuíto aéreo, sobre apoios de formigón e conductor R.Z. de 40 m e outro circuíto subterráneo con conductor R.V., de 155 m. Concello de Mazaricos.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 11 de xaneiro de 2002.
Jesús Espada Martínez
Delegado provincial da Coruña