Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 12 de decembro de 2001 na sala de xuntas da delegación provincial da Consellería de Presidencia e Administración Pública, baixo a presidencia do delegado provincial da Consellería de Medio Ambiente, e coa asistencia dos vocais Emilio Sánchez Coto, Manuel Martínez Garrido, José Antonio Illán Torrón e do secretario Luis Quiroga Arnal, dictou a resolución de non clasificar como veciñais en man común os montes seguintes:
-Expediente número 11/2000: monte de Guntín, parcelas: Lousido, Capela do Rosario, Serra I, Serra II, Curión, Verbo I, Verbo II, Verbo III, Lagas, Barreiriños e Coto Raso, situado na parroquia de Guntín do concello de Bóveda.
-Expediente número 4/2001: monte de Támoga, situado na parroquia de Támoga no concello de Cospeito.
-Expediente número 5/2001: monte de Vilar, situado na parroquia de Vilar no concello de Cospeito.
-Expediente número 6/2001: monte de Leituego, situado no lugar de Leituego, parroquia de Pacios no concello da Fonsagrada.
-Expediente número 7/2001: monte de Maderne, situado no lugar de Maderne, parroquia de Maderne no concello da Fonsagrada.
-Expediente número 8/2001: monte de Mazaeda, situado no lugar de Mazaeda, parroquia de Neiro no concello da Fonsagrada.
-Expediente número 9/2001: monte de Mourisco, situado no lugar de Mourisco, parroquia de Pacios no concello da Fonsagrada.
-Expediente número 10/2001: monte de Padrón, situado no lugar de Padrón, parroquia de Padrón no concello da Fonsagrada.
-Expediente número 11/2001: monte de Pedrafitelas, situado no lugar de Pedrafitelas, parroquia de Vieiro no concello da Fonsagrada.
-Expediente número 12/2001: monte de Queixoiro, situado no lugar de Queixoiro, parroquia da Bastida no concello da Fonsagrada.
-Expediente número 13/2001: monte de Ribón, situado no lugar de Ribón, parroquia de Lamas de Moreira no concello da Fonsagrada.
-Expediente número 14/2001: monte de Sancedo, situado no lugar de Sancedo, parroquia de Vilabol de Suarna no concello da Fonsagrada.
-Expediente número 15/2001: monte de Silvachá, situado no lugar de Silvachá, parroquia de Maderne no concello da Fonsagrada.
-Expediente número 16/2001: monte de Vilardongo, situado no lugar de Vilardongo, parroquia de Padrón no concello da Fonsagrada.
-Expediente número 17/2001: monte de Xunqueira, situado no lugar de Xunqueira, parroquia de Lamas de Moreira no concello da Fonsagrada.
Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado
Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 12 de decembro de 2001.
Luis González Vázquez
Presidente do Xurado Provincial de Montes
Veciñais en Man Común de Lugo