Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: UDESA.

Domicilio social: rúa de Madrid, 1-B (polígono das Fontiñas), Santiago de Compostela.

Denominación: L.M.T. de Visantoña a Frades tramos I e III.

Situación: Mesía-Frades.

Descricións técnicas: L.M.T. aérea a 15/20 kV de 2.780 m de lonxitude, en conductor LA-110, denominada Visantoña-Frades e que consta de tres tramos, os que figuran neste expediente son o tramo un do apoio 1 ó 14 e o tramo tres do apoio 27 ó 35. Concellos de Mesía e Frades.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 26 de decembro de 2001.

Jesús Espada Martínez

Delegado provincial da Coruña