DOG 35 do 18/02/2002 - ANUNCIO do 7 de febreiro de 2002, da Dirección Xeral da Función Pública, polo que se notifican as resolucións recaídas nos recursos de reposición por non faceren consta-los interesados ningún domicilio para efectos de notificacións.

IV. OPOSICIÓNS E CONCURSOS

CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA

ANUNCIO do 7 de febreiro de 2002, da Dirección Xeral da Función Pública, polo que se notifican as resolucións recaídas nos recursos de reposición por non faceren consta-los interesados ningún domicilio para efectos de notificacións.

Con data do 6 de febreiro de 2002, o conselleiro da Presidencia, Relacións Institucionais e Administración Pública dictou resolucións polas que se inadmiten os recursos de reposición formulados polas persoas que se sinalan no anexo contra a Orde do 29 de novembro de 2001, pola que se convoca proceso selectivo para o ingreso no corpo facultativo de grao medio da Xunta de Galicia (grupo B), escala de axentes de extensión pesqueira (DOG nº 238, do 11 de decembro).

Os recorrentes non fixeron constar no escrito de interposición do recurso ningún domicilio, polo que se ignora o lugar da notificación.

Polo exposto, esta dirección xeral, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, en virtude deste anuncio, notifícalles ás persoas que se sinalan no anexo a Resolución do 6 de febreiro de 2002, do recurso de reposición formulado por elas, contra a referenciada Orde do 29 de novembro de 2001.

Os recorrentes poden recolle-la respectiva resolución mediante comparecencia nas dependencias da Subdirección Xeral de Réxime Xurídico e Relacións Laborais da Dirección Xeral da Función Pública (edificio administrativo San Caetano, s/n, 1-3º, Santiago de Compostela), no prazo de dez días contados a partir do seguinte ó da publicación deste anuncio no DOG.

Contra a referida resolución, que pon fin á vía administrativa, poderá interpoñe-lo interesado o recurso contencioso-administrativo no prazo de dous meses, contados a partir do día seguinte ó da súa comparecencia para recolle-la resolución, ou ó do transcurso do prazo previsto no parágrafo anterior sen que o interesado compareza, ante a Sala do Contencioso-Administrativo do Tribunal Superior de Xustiza de Galicia, conforme os artigos 8.2º e 10 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 7 de febreiro de 2002.

Joaquín López-Rúa Soler

Director xeral da Función Pública

ANEXO

-Mª do Pilar Sieiro Piñeiro.-Mª José López Sotelo.-Sonia Anido Gómez.-Cristina López Rego.-María Suárez Baúlde.-Sara Mª Losada Rivas.-Raquel Canosa Crespo.-Eva Cacabelos Reyes.-Ricardo Olabegoya Estrela.