O Pleno do Concello de Chantada, en sesións do día 27 de novembro de 2001 e do 7 de xaneiro de 2002, acordou probar inicialmente o Plan Xeral de Ordenación Municipal, dispoñendo someter a información pública a documentación integrante do dito PXOM polo prazo de dous meses contados desde o día seguinte a publicación deste anuncio no Diario Oficial de Galicia.
Durante o dito prazo calquera entidade ou persoa interesada poderá coñecer e examina-la documentación integrante do PXOM no salón de sesións da casa do concello e presenta-los escritos de alegacións que consideren convenientes.
Conforme o acordo de aprobación inicial quedan suspendidas as licencias de parcelación de terreos, edificación, demolición e actividades en todos aqueles supostos en que as determinacións do plan revisado sexan contrarias ás do plan vixente, ou sexa:
Zona A: no núcleo urbano de Chantada, en todo o solo urbano non consolidado, onde se atopan delimitados os polígonos comprendidos entre o P-1.1 ata o P-24.1, ambos incluídos.
Zona B: no solo rústico; en todo o solo rústico que sexa obxecto de protección especial.
Igualmente, acordouse interrompe-lo procedemento de concesión de licencias solicitadas con anterioridade á aprobación inicial, cando o seu contido sexa contrario ás previsións da nova ordenación.
Chantada, 9 de xaneiro de 2002.
Manuel Lorenzo Varela Rodríguez
Alcalde