Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: trav. de Vigo, nº 204, 36207 Vigo.

Denominación: L.M.T. e c. seccionamento na rúa nº 1 do polígono de Botos.

Situación: concello de Lalín.

Descricións técnicas: L.M.T. subterránea, a 20 kV, de 3 m de lonxitude, con conductor tipo R.H.Z., desde o apoio nº 35 da L.M.T. Botos-Silleda, no entroncamento da derivación ó C.T. Iberconsa ata o centro de seccionamento que se proxecta na rúa nº 1 do polígono de Botos, no concello de Lalín, rematando no punto de inicio da liña. Centro de seccionamento con tres liñas de manobra exterior.

Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte

ó da súa notificación. Tamén se pode interpor calquera outro recurso que se considere pertinente ó seu dereito.

Pontevedra, 3 de xaneiro de 2002.

Carmen Bianchi Valcarce

Delegada provincial de Pontevedra