O Consello da Cultura Galega, unha vez cumpridos os trámites administrativos e en virtude das facultades conferidas na vixente normativa de contratación, anuncia o concurso que seguidamente se cita.
1. Entidade adxudicadora.
Organismo: Consello da Cultura Galega.
2. Obxecto do contrato.
Descrición do proxecto: contratación do servicio de limpeza das dependencias do Consello da Cultura Galega.
3. Prazo de execución: doce meses a partir da data de adxudicación do contrato.
4. Tramitación, forma e procedemento de adxudicación do contrato.
a) Tramitación: urxente.
b) Procedemento: aberto.
c) Forma: concurso público.
5. Orzamento base da licitación: dezaseis mil cincocentos vintesete euros con oitenta e tres céntimos (16.527,83 A).
6. Garantía provisional: non se esixe.
7. Admisión de variantes: si se admiten.
8. Obtención de documentación e información: poderán retirala ata o último día de presentación das proposicións tódolos días laborables, agás sábados, das 9 ás 14 horas, no rexistro do Consello da Cultura Galega. Pazo de Raxoi, 2º andar, praza do Obradoiro, Santiago de Compostela, C.P. 15705, teléfono 981 56 90 20 e fax 981 58 86 99.
9. Requisitos específicos do contratista.
a) Clasificación: non se esixe.
b) Outros requisitos: os especificados no prego de cláusulas administrativas particulares.
10. Presentación de ofertas: no prazo de 8 días naturais contados desde o día seguinte ó da publicación deste anuncio no Diario Oficial de Galicia, no rexistro do Consello da Cultura Galega ou en calquera dos lugares establecidos no artigo 38 da Lei 4/1999.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión de oferta mediante télex ou telegrama no mesmo día.
11. Apertura de ofertas económicas: o sexto día hábil seguinte ó de finalización do prazo de presentación de proposicións, ás 12 horas, nas dependencias do Consello da Cultura Galega; en caso de cadrar en sábado, a apertura terá lugar no día hábil seguinte.
12. Gastos de anuncios: por conta do adxudicatario.
Santiago de Compostela, 5 de febreiro de 2002.
Carlos Casares Mouriño
Presidente do Consello da Cultura Galega