O 26 de xuño de 2001 foi dictada resolución pola Dirección Xeral de Industria da Consellería de Industria e Comercio da Xunta de Galicia pola que se autoriza administrativamente, se declara de utilidade pública e se aproba o proxecto de execución

da L.A.T. a 132 kV subestación Boimente-subestación a Pena Grande, expediente 30/2000 A.T. que afecta na provincia de Lugo os termos municipais de Muras, Ourol e Viveiro.

Esta declaración de utilidade pública, segundo o disposto no artigo 54 da Lei 54/1997, do 27 de novembro, do sector eléctrico, implica a necesidade de ocupación dos bens ou de adquisición dos dereitos afectados e a súa urxente ocupación para os efectos do artigo 52 da Lei de expropiación forzosa do 16 de decembro de 1954.

Baseándose no anterior, esta delegación provincial, en cumprimento do disposto no artigo 52 da Lei de expropiación forzosa, resolve convocar, para os días 20, 21 e 22 de febreiro de 2002 a tódalas persoas afectadas coas que non se chegou a un acordo, incluídas na relación de bens e dereitos que se expón como anexo á presente resolución, e tamén no taboleiro de anuncios dos concellos de Ourol e Viveiro, deducida da que se someteu a información pública no Diario Oficial de Galicia do 14 de marzo de 2001, no BOP de Lugo do 24 de marzo de 2001, e no xornal El Progreso do 10 de marzo de 2001, para que comparezan nos concellos de Ourol e Viveiro, como punto de reunión para, de conformidade co procedemento que se establece no citado artigo, levar a cabo o levantamento de actas previas á ocupación.

Desta convocatoria darase traslado ós interesados mediante a oportuna cédula de citación individual, na que se sinalará día e hora para o levantamento de actas previas. Así mesmo, no taboleiro de anuncios dos concellos de Ourol e Viveiro estará exposta a data do levantamento de actas. Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e dun notario pola súa conta (artigo 52.3º da Lei de expropiación forzosa).

Así mesmo, advírtese a tódolos interesados que poderán formular alegacións por escrito nesta delegación provincial ata o momento do levantamento de actas previas, para os únicos efectos de emenda-los posibles erros padecidos na relación de bens e dereitos afectados (artigo 56.2º do regulamento da Lei de expropiación forzosa).

Esta publicación realízase, igualmente, para os efectos que determina o artigo 59.4º da Lei 30/1992, de réxime xurídico das administracións públicas do procedemento administrativo común, modificado pola Lei 4/1999, cando os titulares dos predios propostos sexan descoñecidos, se ignore o lugar de notificación ou, tentada esta, non se puidese practicar e, así, entende-las dilixencias co Ministerio Fiscal segundo o establecido no artigo 5 da Lei de expropiación forzosa.

Lugo, 22 de xaneiro de 2002.

Jesús Bendaña Suárez

Delegado provincial de Lugo

Relación de propietarios, bens e dereitos afectados

Expediente: 30/2000 A.T.Provincia: Lugo

L.A.T. 132 kV sub. Boimente-sub. Pena GrandeTermo municipal: Viveiro

Conexión provisional entre L.A.T. Boimente-Pena Grande y L.A.T. Boimente-apoio 112 existente Mondoñedo-Magazos

Expediente: 30/20 A.T.Provincia: Lugo

L.A.T. sub. Boimente-sub. Pena GrandeTermo municipal: Viveiro

Expediente: 00/30 A.T.Provincia: Lugo

L.A.T. 132 kV sub. Boimente-sub. Pena GrandeTermo municipal: Ourol

Expediente: 30/2000 A.T.Provincia: Lugo

L.A.T. 132 kV Boimente-apoio 112 L.A.T.

132 kV existente Mondoñedo-Magazos Termo municipal: Viveiro