Visto pola Sección Terceira da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 03/7151/1996, interposto por R. Pardo y Cía, S.L. contra silencio administrativo a acordo do 4-5-1995 relativo ó proxecto de expropiación forzosa de bens e dereitos correspondentes ó inmoble chamado Almacenes de Raxoi promovido polo Concello de Pontedeume; dictouse sentencia do trinta e un de marzo de mil novecentos noventa e nove, agora firme, pola que se estimaba o dito recurso.
Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdicción contencioso-administrativa, e coa fin de levar a puro e debido efecto a dita sentencia, este departamento resolve darlle publicidade á parte dispositiva da sentencia do 31 de marzo de 1999, que a seguir se transcribe:
«Decidimos que estimámo-lo recurso contencioso-administrativo deducido por R. Pardo y Cía, S.L. contra silencio administrativo a acordo do 4-5-1995 relativo ó proxecto de expropiación forzosa de bens e dereitos correspondentes ó inmoble chamado Almacenes de Raxoi promovido polo Concello de Pontedeume; expediente 14/1995 dictado pola Consellería de Ordenación do Territorio e Obras Públicas; e en consecuencia, anulámolo por non ser conforme a dereito».
Santiago de Compostela, 24 de xaneiro de 2002.
P.D. (Orde 13-12-1993)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda