Dentro dos programas de actividades que a Academia Galega de Seguridade ten previsto realizar no ano 2002, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a realización dun curso sobre Autocad para elaboración de atestados e dispositivos de tráfico, que deberá desenvolverse conforme as seguintes bases:
Obxectivos.
1. Iniciarse nos coñecementos de expresión gráfica.
2. Coñecer e manexar paquetes de deseño para a confección de atestados ou informes.
3. Adoptar técnicas automatizadas para a representación gráfica nos informes.
Destinatarios.
O curso vai dirixido ós membros dos corpos das policías locais de Galicia e membros da unidade do CNP adscrita á Comunidade Autónoma de Galicia, preferentemente ó persoal en activos en departamentos tales como atestados, sinalización, etc., ou interesados en traballar nun futuro, que teñan un coñecemento alto do contorno Windows; e, no caso de quedaren prazas vacantes, ós membros do Corpo Nacional de Policía e Garda Civil.
Inscrición.
A inscrición dos participantes será totalmente gratuíta.
Prazas.
O número de prazas que se ofertan neste curso é de 30.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 22 de febreiro, ás 14 horas.
3. As instancias deberán vir asinadas polo xefe do cadro de persoal ou polo concelleiro de tráfico, e seladas; será este o requisito indispensable para ser admitido nos cursos e o incumprimento deste requisito comportará a non admisión ó devandito curso.
4. As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas e horario.
O curso terá unha duración total de 60 horas, dividido en dúas partes:
1ª parte: que será presencial, cunha duración de 40 horas, e desenvolverase durante os días 27 de
febreiro, 6, 13 e 20 de marzo e 3 de abril, das 10 ás 14 horas e das 15.30 ás 19.30 horas.
2ª parte: a distancia, consistente en 20 horas, coa titoría do profesor ó longo do curso, e que consistirán na realización dun traballo acorde co exposto nel.
Relación de admitidos.
A relación de admitidos publicarase o día 25 de febreiro no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.
Lugar.
O curso desenvolverase na aula de informática da Academia Galega de Seguridade; avenida da Cultura, s/n, A Estrada.
Certificado de asistencia.
Ó remate do curso entregaráselles un certificado de asistencia a aquelas persoas que acrediten a súa participación continuada a el.
Modificacións.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 28 de xaneiro de
