1. O plan parcial do polígono de Esteiro en Ferrol, aprobado por orde do Ministerio da Vivenda do 30 de marzo de 1974 e modificado pola Orde do 4 de febreiro de 1977, foi obxecto de posterior reforma, dando lugar ó plan parcial reformado que foi aprobado definitivamente por acordo do Pleno municipal do 31 de xaneiro de 1984.

2. No dito plan parcial reformado determináronse catro grupos de parcelas obxecto de expropiación para a ampliación do polígono, ben que parte delas foron afectadas polo expediente expropiatorio tramitado polo Instituto Nacional de Urbanización para a execución do denominado proyecto de saneamiento y accesos al Polígono de Esteiro na zona das Telleiras.

3. O IGVS tramitou expediente expropiatorio relativo ás parcelas dos grupos A e B, que foi aprobado definitivamente por Resolución do 29 de maio de 1997, do delegado provincial da Consellería de Política Territorial, Obras Públicas e Vivenda da Xunta de Galicia, quedando pendente a expropiación das parcelas dos grupos C e D.

4. Co fin de proceder á expropiación das ditas parcelas, para a total execución do plan parcial reformado realizouse unha nova investigación do estado físico e xurídico delas, e para efectos de declara-la necesidade da súa ocupación, por resolución do IGVS do 16 de novembro de 2000 someteuse a información pública a relación de bens e dereitos.

No trámite foron presentadas as alegacións que constan no expediente, sendo obxecto de exame con estimación ou desestimación das mesmas e modificación da indicada relación.

5. De conformidade cos artigos 15 e seguintes da Lei de expropiación forzosa do 16 de decembro de 1954 e 15 seguintes do seu regulamento, artigo 36 da Lei 6/1998, de réxime do solo e valoracións, artigos 144 e 145 da Lei 1/1997, do solo de Galicia, e artigos 199 e 201 do Reglamento de xestión urbanística,

RESOLVO:

Primeiro.-Aprobar, coas modificacións que resultan das alegacións presentadas, a relación de pro

pietarios, bens e dereitos das parcelas grupos C e D do plan parcial reformado do polígono de Esteiro, declara-la necesidade de ocupación das mesmas e segui-la expropiación polo procedemento de taxación conxunta.

Segundo.-Somete-lo proxecto de expropiación a información pública no prazo dun mes, mediante inserción de anuncios no Diario Oficial de Galicia e nun xornal dos de maior circulación da provincia, para que os que poidan resultar interesados poidan formula-las observacións e reclamacións que estimen convenientes, en particular no que respecta á titularidade e valoración dos seus respectivos dereitos, e notificar individualmente as taxacións ós que aparezan como titulares de bens e dereitos no expediente, mediante traslado literal da correspondente folla de aprecio e da propostas de fixación dos criterios de valoración para que poidan formular alegacións no prazo dun mes contado a partir da data de notificación.

O expediente estará exposto nas oficinas da delegación provincial do IGVS na Coruña, sitas na 9ª planta do Edificio Administrativo de Monelos (Polígono de Elviña) e no Concello de Ferrol.

Santiago de Compostela, 21 de xaneiro de 2002.

José Antonio Redondo López

Director xeral do Instituto Galego da Vivenda e Solo

RELACIÓN DE PREDIOS E TITULARES