DOG 20 do 28/01/2002 - RESOLUCIÓN do 21 de xaneiro de 2002 pola que se designan vocais da comisión de selección dos participantes nos dous cursos para a obtención do diploma de directivo, convocados mediante Resolución do 16 de novembro de 2001.

III. OUTRAS DISPOSICIÓNS

ESCOLA GALEGA DE ADMINISTRACIÓN PÚBLICA

RESOLUCIÓN do 21 de xaneiro de 2002 pola que se designan vocais da comisión de selección dos participantes nos dous cursos para a obtención do diploma de directivo, convocados mediante Resolución do 16 de novembro de 2001.

O artigo 6 do Decreto 294/1992, do 10 de setembro, modificado polo Decreto 1/1995, do 12 de xaneiro (Diario Oficial de Galicia nº 9, do 13 de xaneiro), e polo 319/1996, do 26 de xullo (Diario Oficial de Galicia nº 153, do 6 de outubro) polo que se regula o diploma de directivo, establece que a comisión que efectúa a selección dos aspirantes a participar nos cursos para a obtención do citado diploma estará integrada, entre outros membros, por un profesor das universidades de Galicia e por un funcionario que estea en posesión do diploma de directivo. En virtude do anterior,

DISPOÑO:

Artigo único.-Designar como vocais da comisión que levará a cabo a selección dos participantes nos dous cursos para a obtención do diploma de directivo, convocados mediante resolución do director da Escola Galega de Administración Pública do 16 de novembro de 2001, as seguintes persoas:

-Pablo González Mariñas, profesor titular de dereito administrativo da Universidade de Santiago de Compostela.

-José Ramón Pardo Cabarcos, secretario xeral da EGAP.

Santiago de Compostela, 21 de xaneiro de 2002.

Domingo Bello Janeiro

Director da Escola Galega de Administración Pública