De conformidade co disposto no artigo 59.4º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, pola presente cédula notifícase a José Luis Sánchez Sánchez a resolución do delegado provincial de Sanidade e Servicios Sociais de Lugo, do 23 de outubro de 2001, despois de terse intentado a notificación desta por dúas veces no último domicilio coñecido sen resultado positivo.

O correspondente expediente figura á disposición do interesado para coñecemento íntegro e constancia do mencionado acto nas dependencias da Delegación Provincial de Sanidade e Servicios Sociais de Lugo, co enderezo no edificio administrativo da Xunta de Galicia en Lugo, Ronda da Muralla nº 70, baixo 2º.

A sanción imposta, o prazo de ingreso e o procedemento de pagamento figuran no anexo.

ANEXO

Expediente: S-12/2001.

1. Denunciado: José Luis Sánchez Sánchez. DNI: 33203254.

2. Último domicilio coñecido: rúa Carlos Maside nº 6, 1º D, 15704 Santiago de Compostela, A Coruña.

3. Feitos imputados: como consecuencia do labor inspector e de control das condicións sanitarias do transporte terrestre de alimentos e productos alimentarios a temperatura regulamentada que teñen atribuído os funcionarios do Servicio Provincial de Transportes de Lugo da Consellería de Política Territorial, Obras Públicas e Vivenda, procedeuse á inspección do vehículo conducido por José Luis Sánchez Sánchez, levantando o boletín de denuncia nº 27/011046/2, de data 17 de decembro de 2001, no que se constata a existencia das seguintes irregularidades:

-Circular transportando 8 canles de terneira galega fresca e 22 palets de corteza de porco conxelada, aloxadas no interior do vehículo sen ningún medio de separación para diferentes temperaturas de transporte, figurando no termógrafo do equipo de frío unha temperatura de -10º C.

Resultado das citadas inspeccións, a Delegación Provincial da Consellería de Sanidade e Servicios Sociais en Lugo incoou expediente administrativo sancionador nº S-12/2001 mediante resolución de data 1 de febreiro de 2001, por infraccións das normas sanitarias e de hixiene aplicables ó transporte terrestre de alimentos e productos alimentarios a temperatura regulada.

4. Preceptos infrinxidos: artigo 35 a) 3º da Lei 14/1986, do 25 de abril, xeral de sanidade; artigo 2.1º 1 do Real decreto 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria; artigo 1.1º d) do Decreto 157/1985, do 11 de xullo, da Xunta de Galicia, polo que se regulan as infraccións e sancións en materia sanitaria; artigos 7.1º, 8.2º e 10.1º do Real decreto 2483/1986, do 14 de novembro, polo que se aproba a regulamentación técnico-sanitaria sobre condicións xerais de transporte terrestre de alimentos e productos alimentarios a temperatura regulada; punto 69 do capítulo XV do anexo I do Real decreto 147/1993, do 29 de xaneiro, polo que se establecen as condicións sanitarias de producción e comercialización de carnes frescas.

5. Cualificación da infracción: de acordo co artigo 35 a) 3º da Lei 14/1986, do 25 de abril, xeral de sanidade, debe cualificarse como leve.

6. Sanción imposta: vintecinco mil pesetas (25.000 pesetas).

7. Prazo de ingreso: de conformidade co disposto no artigo 20 do Real decreto 1684/1990, Regulamento xeral de recadación, do 20 de decembro, o dito prazo é o seguinte:

As sancións notificadas entre os días 1 e 15 de cada mes, deberanse pagar desde a data de notificación ata o día 5 do mes seguinte, ou o inmediato día hábil posterior.

As sancións notificadas entre os días 16 e derradeiro de cada mes, deberanse pagar desde a data de notificación ata o día 20 do mes seguinte, ou o inmediato día hábil posterior.

Se, non obstante, deixase transcorre-los prazos indicados, seralle esixido o ingreso en vía executiva.

8. Procedemento de pagamento: de acordo coa Orde do 22 de maio de 1987 da Consellería de Economía e Facenda, o pagamento efectuarase mediante transferencia bancaria á Xunta de Galicia, conta restrinxida da Consellería de Sanidade e Servicios Sociais, recadación de multas e sancións, con número de conta 01825947110010140179 da sucursal do BBV, Banco Bilbao Vizcaya, co enderezo en Santiago de Compostela.

9. Recurso procedente: en cumprimento dos artigos 114 a 117 da Lei 30/1992, do 26 de novembro, de réxime xurídico das administracións públicas e do procedemento administrativo común, o interesado dispón do prazo dun mes, desde a publicación desta resolución, para interpoñer recurso de alzada ante o conselleiro de Sanidade e Servicios Sociais, edificio administrativo San Caetano, en Santiago de Compostela.

Lugo, 17 de decembro de 2001.

Luis Abades Álvarez

Delegado provincial de Lugo