Anuncio de información pública de solicitude de concesión de instalación e explotación dunha telecadeira na estación de esquí de Manzaneda, Ourense.
O presidente executivo de Manzaneda Estación de Montaña (Meisa) solicitou a concesión para a instalación e explotación dunha telecadeira denominado da Fonte Fría (cuatripraza de pinza fixa) coas seguintes características:
-Trazado de aliñación recta.
-Lonxitude de liña: 1.130 m.
-Desnivel: 173 m.
-Pendente media: 15,5%.
-Velocidade: 0/2,3 m/s.
-Rendemento: 2.000 p/h.
Polo que, en cumprimento do disposto no artigo 11 do Decreto 673/1966, do 10 de marzo, para a aplicación da Lei 4/1964, sobre concesión de teleféricos, anúnciase información pública para que no prazo de vinte días hábiles contados a partir da publicación deste anuncio no Diario Oficial de Galicia, poidan as entidades e particulares interesados, logo de exame do proxecto e estudio de impacto ambiental no Servicio Provincial de Transportes, rúa Curros Enríquez, número 1 entresollado (teléfonos 988 37 17 60-61) en horario de oficina (de 9 a 14 horas), presenta-las alegacións que estimen oportunas.
Ourense, 5 de decembro de 2001.
Xosé Inacio Palomanes Rodríguez
Xefe do Servicio Provincial de Transportes
de Ourense