Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: avda. Arteixo, 171, 15007 A Coruña.
Denominación: L.M.T. e C.T. mercado gandeiro en Baralla.
Situación: Baralla.
Características técnicas: L.M.T. subterránea a 20 kV, cunha lonxitude de 0,013 km, con orixe en apoio existente da L.M.T. 5215 O Corgo-Baralla (actualmente paso aéreo subterráneo M.T. mercado gandeiro), conductor tipo R.H.V. e final no C.T. mercado gandeiro. C.T. prefabricado cunha potencia de 250 kVA e unha relación de transformación de 20.000/380-220 V.
Cumpridos os trámites ordenados na Lei 54/1997, do 27 de novembro, e no capítulo VII do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.
Lugo, 26 de novembro de 2001.
Jesús Bendaña Suárez
Delegado provincial de Lugo