Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación Amigos da Terra Galicia-Xuventude, de data 4 de outubro de 2001.

Visto o Decreto 45/2001, do 1 de febreiro, de refundición da normativa en materia do Camiño de Santiago.

Visto igualmente o informe da Xerencia de Promoción do Camiño de Santiago, emitido de acordo co artigo 23.

Considerando que a solicitude presentada cumpre as normas establecidas no decreto de referencia,

RESOLVO:

Que a Asociación Amigos da Terra Galicia-Xuventude quede inscrita no Rexistro de Entidades de Promoción do Camiño de Santiago co número 132.

Santiago de Compostela, 25 de outubro de 2001.

Andrés González Murga

Secretario xeral da Consellería de Cultura,

Comunicación Social e Turismo