Por Resolución do 6 de agosto de 2001, da Dirección Xeral de Industria, decláranse caducadas unha serie de canteiras, conforme o disposto no artigo 106, letra d) do vixente Regulamento xeral para o réxime da minería.

De conformidade co disposto no artigo 59.4º da Lei 30/1992, de réxime xurídico das administracións públicas e do procedemento administrativo común, modificado pola Lei 4/1999, notifícaselles ás persoas que se relacionan no seguinte anexo, as que non se lles puido facer por correo certificado por non ter domicilio coñecido, a caducidade, con base no artigo 106 d) do Regulamento xeral para o réxime da minería, do seu dereito mineiro.

Contra esta resolución, que é definitiva na vía administrativa, poderase interpoñer recurso potestativo de reposición ante esta consellería, no prazo dun mes desde o día seguinte ó da publicación, de acordo co establecido no artigo 116.1º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a mesma data, ó amparo do disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que os interesados poidan interpoñer calquera outro recurso que estimen procedente.

Lugo, 15 de novembro de 2001.

Jesús Bendaña Suárez

Delegado provincial de Lugo

ANEXO