Ó abeiro do disposto na disposición derradeira primeira, do Decreto 42/2001, do 1 de febreiro, de refundición en materia de axencias de viaxe, guías de turismo e turismo activo, e para os efectos establecidos no artigo 32 do referido decreto, esta consellería resolve homologa-los seguintes cursos: La Catedral de Santiago de Compostela, cunha duración de 30 horas, organizado pola Asociación Cultural de Guías de Galicia, e que terá lugar os días 21 e 26 de xaneiro de 2002, e de especialización en Arte Sacro, que se desenvolverán entre o 29 de novembro de 2001 e o 25 de maio de 2002, organizado pola Universidade Pontificia de Salamanca e o Instituto Teolóxico Compostelán.
Santiago de Compostela, 22 de novembro de 2001.
Jesús Pérez Varela
Conselleiro de Cultura, Comunicación Social
e Turismo