A orde da Consellería de Industria e Comercio do 6 de xullo de 1993 (Diario Oficial de Galicia do 28 de xullo de 1993) establecía a obriga de instalar portas en cabina en tódolos ascensores carentes delas. O prazo de instalación das portas rematou o 29 de xullo de 1997.
De acordo cos datos que constan nesta delegación os ascensores que na lista anexa se indican carecen de portas en cabina.
O incumprimento da obriga de instalar portas en cabina é unha das faltas tipificadas como graves de acordo co artigo 21 do vixente Regulamento de aparellos elevadores e manutención, e pode ser sancionado, non só cunha sanción económica, senón coa paralización do aparello ata a corrección das causas que motivaron a suspensión.
De conformidade co disposto nos artigos 59.4º e 61 da Lei 30/1992, do 26 de novembro, de réxime xurídico das administracións públicas e do proce
demento administrativo común (BOE nº 285, do 27 de novembro), faise pública notificación da iniciación dos expedientes sancionadores que se indican, instruídos pola Delegación Provincial de Pontevedra da Consellería de Industria e Comercio, ás persoas ou entidades que constan como titulares dos ascensores que de seguido se relacionan, xa que, tentado notificarlles no seu último domicilio coñecido, non foi posible.
Os correspondentes expedientes constan na Delegación Provincial de Pontevedra da Consellería de Industria e Comercio, perante a cal os asiste o dereito de alegaren por escrito o que na súa defensa coiden conveniente, coa achega ou proposición das probas que consideren axeitadas, dentro do prazo de quince días hábiles, contados desde o seguinte á publicación da presente cédula no Diario Oficial de Galicia.
Transcorrido o dito prazo sen facer uso dese dereito para formular alegacións e/ou aportar ou propoñer probas, dictaranse as oportunas resolucións.
Pontevedra, 24 de outubro de 2001.
Carmen Bianchi Valcarce
Delegada provincial de Pontevedra
NRAE Titular Enderezo do titular Localización ascensor
206 Mur Paula Berta Gran Vía, 24, Vigo Gran Vía, 24, Vigo
318 Gándara Blanco Camilo Alfonso XIII, 52, Vigo Alfonso XIII, 52, Vigo
612 Comunidade de propietarios Benito Corbal, 66, Pontevedra Benito Corbal, 66, Pontevedra
625 Comunidade de propietarios Hernán Cortés, 6, Vigo Hernán Cortés, 6, Vigo
1712 Prop Alqui y Adminis Pala, S.A. Avenida de Madrid, 18, Sanxenxo Avenida de Madrid, 18, Sanxenxo
1715 Comunidade de propietarios Joaquín Costa, 26, Pontevedra Joaquín Costa, 26, Pontevedra
1906 Herdeiros de Víctor Montes Pi y Margall, 91, Vigo Pi y Margall, 91, Vigo
1985 Herdeiros S. García Cuenca Gran Vía, 108, 7k, Vigo Arenal, 16, Vigo
2163 Comunidade de propietarios Príncipe, 49, Vigo Príncipe, 49, Vigo
2807 Comunidade de propietarios Javier Puig, 6, Pontevedra Javier Puig, 6, Pontevedra
3610 Comunidade de propietarios Praza de Xoán XIII, 9, Vilagarcía de Arousa Praza de Xoán XIII, 9, Vilagarcía de Arousa
CONSELLERÍA DE POLÍTICA AGROALIMENTARIA E
DSENVOLVEMENTO RURAL