O Decreto 25/2001, do 18 de xaneiro, polo que se regula a organización e o funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, regulando no seu artigo cuarto a composición, e no seu artigo quinto o procedemento de nomeamento dos membros deste órgano.

Por Orde do 26 de febreiro de 2001 (DOG nº 51, do 13 de marzo), modificada polas ordes do 16 de marzo (DOG nº 56, do 20 de marzo), do 11 de maio (DOG nº 100, do 25 de maio), do 26 de xuño (DOG nº 137, do 16 de xullo) e do 12 de setembro (DOG nº 203, do 19 de outubro), momeáronse membros do Consello Galego de Cooperativas.

Por iniciativa da entidade Unión de Cooperativas de Traballo Asociado UGACOTA e de acordo co previsto no citado decreto, cómpre a substitución do suplente, nomeado como representante desta entidade no consello.

Por todo o exposto, de acordo coa proposta realizada e facendo uso da autorización prevista na disposición derradeira primeira do referido decreto,

DISPOÑO:

Artigo único.-En representación das cooperativas e por proposta da Unión de Cooperativas de Trabajo Asociado UGACOTA, noméase como suplente a Alejandro Sieira Almallo, en substitución de Ana Rosa Cornado Molina.

Santiago de Compostela, 13 de decembro de 2001.

Antonio Pillado Montero

Conselleiro de Xustiza, Interior

e Relacións Laborais