Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Electra de Jallas, S.A.
Domicilio social: praza da Constitución, 17, 15270 Cee, A Coruña.
Denominación: L.M.T.S., C.T. Plácido-Esteiro.
Situación: Muros.
Descricións técnicas: liña eléctrica subterránea de media tensión, a 20 kV, baixo tubo e con conductor R.H.V. 12/20 kV de 3(1x240) mm Al, de 620 m de lonxitude, con orixe na cela de saída do C.T. A Ribeira do Maio e final na torre metálica ó lado do C.T. Plácido, en Esteiro. Concello de Muros.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 6 de novembro de 2001.
Jesús Espada Martínez
Delegado provincial da Coruña