Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T. Mariña-concello-Alesón.
Situación: A Coruña.
Descricións técnicas: liñas eléctricas subterráneas de media tensión, baixo tubo e conductor R.H.Z.1 12/20 kV, de 3(1/240) mm Al, na cidade da Coruña.
-De 10 m, coa orixe na liña Ventorrillo-Damas e final na liña B. Exterior-L. Rivas.
-De 30 m, coa orixe na futura subestación Baterías e final no C.T. Baterías.
-De 20 m, coa orixe na futura subestación Baterías e final na mesma subestación Baterías.
-De 50 m, coa orixe no C.T. deputación e final no C.T. Paseos.
-De 75 m, coa orixe no C.T. Mariña e final na liña Damas-San Nicolás.
-De 190 m, coa orixe na liña Damas-San Nicolás e final no C.T. concello.
-De 190 m, coa orixe no C.T. concello e final no C.T. Alameda. Concello da Coruña.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 29 de outubro de 2001.
Jesús Espada Martínez
Delegado provincial da Coruña