Por Resolución do 10 de agosto de 2001, da Dirección Xeral da Axencia Galega de Desenvolvemento Rural (Agader), abriuse o prazo para a presentación de proxectos para acollerse á iniciativa comunitaria Leader no territorio da Comunidade Autónoma de Galicia.

Presentadas as solicitudes en prazo legal e valoradas pola comisión de selección constituída ó abeiro do punto 7.2 do Programa rexional Leader para Galicia, resolveuse o 20 de novembro de 2001 a convocatoria da axuda sinalada.

En cumprimento do disposto no artigo 11 do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia (DOG nº 238, do 11 de decembro), a directora xeral da Axencia Galega de Desenvolvemento Rural

RESOLVE:

Facer público o resultado do proceso de selección para a concesión de subvencións no marco da iniciativa comunitaria Leader, con indicación dos grupos de acción local que resultaron beneficiarios e dos respectivos cadros de financiamento, que se sinalan no anexo que se xunta.

O financiamento correspondente ós orzamentos da Axencia Galega de Desenvolvemento Rural farase con cargo á conta 01.01/01.03.03/656800.

Santiago de Compostela, 23 de novembro de 2001.

(Por acordo do Consello de Dirección do 6-11-2001)

Alejandra Álvarez de Mon Rego

Subdirectora de Relacións cos Grupos de Acción Local

ANEXO