O Pleno do Concello de Vigo, en sesión do día 24 de setembro de 2001, adoptou o seguinte acordo:
Primeiro.-Aprobar definitivamente o estudio de detalle de ordenación de volumes e axuste de aliñacións e rasantes no terreo sito entre as rúas travesía
de Vigo, nº 17 e Rosario, promovido por Mª Castora Gómez Ceruelo, segundo a documentación técnica redactada polos arquitectos José Martínez Rodríguez e Daniel Rodríguez Fernández, con visado polo COAG do 5-2-2001 e 11-6-2001 (expediente 6575/411).
Segundo.-Notifíquese o presente acordo á promotora do estudio de detalle e demais interesados nos termos previstos nos artigos 58 e 59 da Lei 30/1992, do 26 de novembro. Publíquese no BOP e no Diario Oficial de Galicia, con cumprimento dos trámites regulados no artigo 48 da Lei 1/1997, do 24 de marzo (LSG).
Contra o devandito acordo que pon fin á vía administrativa poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.
Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou intentada a mesma non se puidese practicar.
Vigo, 26 de outubro de 2001.
Lois Pérez Castrillo
Alcalde-presidente da Xerencia Municipal
de Urbanismo