Pola Orde do 7 de febreiro de 2000 (DOG do 4 de abril), a Consellería de Educación e Ordenación Universitaria convocou un curso de especialización en educación infantil para mestres en servicio activo

na Comunidade Autónoma de Galicia, para realizar segundo a modalidade de formación a distancia.

Desenvolvidas as fases teórico-práctica, práctica e avaliación previstas nos puntos I e II do anexo I da devandita orde de convocatoria, procede facer pública a relación dos mestres que as superaron. En consecuencia,

DISPOÑO:

Primeiro.-Declarar aptos os mestres que superaron satisfactoriamente o citado curso de especialización en educación infantil, convocado por Orde do 7 de febreiro de 2000, que se relacionan no anexo desta resolución.

Segundo.-As delegacións provinciais da Consellería de Educación e Ordenación Universitaria procederán a expedi-la certificación de habilitación en educación infantil ós mestres funcionarios de carreira que se declaran aptos ó abeiro desta resolución.

Terceiro.-Contra esta resolución, que esgota a vía administrativa, os interesados poderán interpoñer recurso potestativo de reposición perante a directora xeral de Ordenación Educativa e Formación Profesional, no prazo dun mes contado a partir do día seguinte ó da súa publicación, segundo o disposto nos artigo 116 e 117 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 27 de novembro de 2001.

Mª del Pilar Mar Pérez Marsó

Directora xeral de Ordenación Educativa

e Formación Profesional

ANEXO

Profesores declarados aptos no curso

de especialización en educación infantil