Visto o expediente para outorgamento de autorización administrativa e aprobación do proxecto de

execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. CC.TT. Cacheiras (residencial Braña dos Alféreces).

Situación: Teo.

Descricións técnicas: liñas eléctricas subterráneas de media tensión, a 20 kV, baixo tubo e con conductor R.H.V. 12/20 kV de 3(1x240) mm Al, de 280 m de lonxitude, coa orixe e final no tramo de liña existente entre o C.T. vivendas Teo e o C.T. Os Carballos, unha vez que entren e saian dos CC.TT. residencial Braña dos Alféreces, nº 1 e 2, que se van instalar.

Centros de transformación en baixos de vivendas, de 400 kVA e tensións de 20/0,380-0,220 kV en edificios de Residencial Braña dos Alféreces. Concello de Teo.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 24 de outubro de 2001.

Jesús Espada Martínez

Delegado provincial da Coruña