En cumprimento do disposto no artigo 2.4º do Decreto 327/1991, de avaliación dos efectos ambientais para Galicia (DOG número 199, do 15 de outubro), e durante o prazo de vinte días hábiles, someterase o estudio de efectos ambientais ó trámite de información pública, mediante anuncio no Diario Oficial de Galicia. Na súa virtude,

RESOLVO:

Someter a información pública, por un prazo de vinte días hábiles contados a partir da publicación desta resolución, o proxecto de explotación, o estudio de efectos ambientais e o plan de restauración da canteira Fontevella, situada en terreos do concello de Pol, provincia de Lugo, e solicitado por Excansa.

Para os efectos informativos porase a disposición dos administrados que o soliciten un exemplar del para consulta nas oficinas desta dirección xeral, nas dependencias das delegacións provinciais de Industria e Medio Ambiente correspondentes, así como no Concello de Pol, e as alegacións formularanse durante o prazo sinalado nas mesmas oficinas.

Santiago de Compostela, 30 de outubro de 2001.

Ramón Ordás Badía

Director xeral de Industria