No BOP de Ourense do día 13 de novembro de 2001 publicouse a modificación da base 4ª das que rexen a convocatoria das bases para a provisión de postos de traballo vacantes no cadro de persoal desta deputación provincial e no cadro laboral fixo, correspondentes á oferta de emprego público de 2001.
En virtude do disposto na devandita modificación, por medio deste anuncio procédese á convocatoria específica das seguintes prazas incluídas na oferta de emprego público de 2001 reservada á promoción interna do persoal laboral.
Cadro laboral.
-Dúas (2) prazas de oficial técnico en seguridade e saúde, asimiladas ó grupo C, nivel 19. Concurso-oposición por promición interna coa titulación esixida para o grupo C ou coa titulación do grupo D pero cunha antigüidade de 10 anos na escala de procedencia, conforme o disposto no artigo 61 da Lei 42/1994. Titulación específica: título de técnico intermedio en prevención de riscos laborais, validado conforme a normativa vixente e expedido por centro homologado (mínimo de 300 horas lectivas).
-Dúas (2) prazas de oficial vixilante de obras, persoal de oficios, asimiladas ó grupo D, nivel 17. Concurso-oposición por promoción interna vertical. Graduado escolar ou equivalente.
-Dúas (2) prazas de legoeiros especialistas, persoal de oficios, asimiladas o grupo E, nivel 14; provisión por concurso-oposición por promoción interna horizontal. Certificado de escolaridade.
As solicitudes presentaranse no rexistro xeral da deputación durante o prazo dos 20 días naturais seguintes ó da publicación deste anuncio no Diario Oficial de Galicia. Así mesmo, poderán presentarse
na forma que determina o artigo 38.4º da Lei 30/1992. Nos casos de concurso ou concurso-oposición, á solicitude deben unirse os xustificantes dos méritos que se aleguen.
No mesmo prazo xustificarase o aboamento dos dereitos de exame, polos seguintes importes, xuntándolle á solicitude o correspondente xustificante: para as prazas do grupo A asimiladas: 3.000 pestas; gurpo B ou asimildas: 2.250 pesetas; grupo C ou asimiladas: 1.250 pesetas; grupo D ou asimiladas: 1.000 pesetas; grupo E ou asimiladas: 750 pesetas.
A deputación facilitará copia das bases e modelo oficial de solicitudes nas oficinas do rexistro xeral; rúa Progreso, 32 (Ourense), ou solitándoo ó teléfono 988 38 51 00 ou fax 988 38 51 84.
Os sucesivos anuncios relativos a esta convocatoria publicaranse exclusivamente no taboleiro provincial de edictos en todo caso, e no BOP de Ourense cando proceda, de conformidade coas bases das probas selectivas.
O que se publica de conformidade co disposto no artigo 233.3º da Lei 5/1995, de Administración local de Galicia.
Ourense, 14 de novembro de 2001.
O presidente
Rubricado