Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Endesa, S.A.
Domicilio social: Areosa, s/n, As Pontes de García Rodríguez.
Denominación: modificación L.M.T. Enfersa-Poboados.
Situación: As Pontes de García Rodríguez.
Descricións técnicas: modificación da liña eléctrica aérea de media tensión, a 20 kV, en dobre circuíto, nomeada L.M.T. Enfersa e Poboados, nas Pontes, consistente en:
-Cambio de traza desde o apoio nº 1 ó nº 5, implantando torres metálicas de celosía e conductor LA-110, en dobre circuíto e nunha lonxitude de 495 m. As Pontes de García Rodríguez.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 27 de setembro de 2001.
Jesús Espada Martínez
Delegado provincial da Coruña