De conformidade coa proposta elevada pola comisión designada para xulga-lo concurso convocado por resolución desta universidade do 12 de marzo de 2001 (BOE do 4 de abril), para a provisión da praza número 01/001 de catedrático de universidade da área de coñecemento de teoría do sinal e comunicacións, departamento de Electrónica e Sistemas desta universidade, a favor de Luis Castedo Ribas, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Luis Castedo Ribas, catedrático de universidade da área de coñecemento de teoría do sinal e comunicacións do departamento de Electrónica e Sistemas desta universidade.

A Coruña, 23 de outubro de 2001.

José Luis Meilán Gil

Rector da Universidade da Coruña