A orde conxunta da Consellería da Presidencia e Administración Pública e da Consellería de Cultura, Comunicación Social e Turismo do 25 de xuño de 2001 (DOG do 12 de xullo), aprobaba as bases que rexerían as convocatorias de axudas para grupos de investigación que traballen en investigación aplicada en temas de conservación e protección do patrimonio cultural (anexo I) e para a realización de proxectos de investigación empresarial en temas de

conservación e protección do patrimonio cultural (anexo II), correspondentes ó Programa de Conservación do Patrimonio Cultural e Desenvolvemento Turístico do Plan Galego de Investigación e Desenvolvemento Tecnolóxico.

Nas bases 6 e 8 dos anexos I e II, respectivamente, da mencionada orde de convocatoria, determinábanse os criterios de selección que deberían ter en conta os membros das respectivas comisións para designar polo secretario xeral de Investigación e Desenvolvemento.

Na súa virtude, atendendo á proposta elaborada polas citadas comisións,

RESOLVO:

Primeiro.-Concedérlle-las axudas para a realización de proxectos de investigación ás persoas que se citan no anexo I desta resolución, na contía e polas anualidades que, en cada caso, se sinalan. Aqueles proxectos que figuran no dito anexo con autorización para contratar persoal deberán realiza-la dita contratación conforme as normas establecidas nas bases da convocatoria. As axudas corresponden á totalidade da subvención necesaria para a relación do correspondente proxecto, incrementado nun 10% destinado ós gastos institucionais que a súa execución lle supón ó organismo ó que pertence o investigador responsable.

Segundo.-Concedérlle-las axudas para a realización de proxectos de investigación empresarial en temas de conservación do patrimonio cultural ás empresas que se citan no anexo II desta resolución, na contía e polas anualidades que se sinalan.

Terceiro.-A inobservancia por parte dos beneficiarios de calquera das bases establecidas na orde de convocatoria do 25 de xuño de 2001 (DOG do 12 de xullo), suporá a perda do dereito a percibi-la axuda correspondente.

Cuarto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 6 de novembro de 2001.

P.D. (Orde 25-6-2001;P.D. (Orde 15-6-2001;

DOG do 12 de xullo)DOG do 12 de xullo)

Miguel A. Ríos FernándezÁngel Sicart Giménez

Secretario xeral de InvestigaciónDirector xeral de

e DesenvolvementoPatrimonio Cultural

ANEXO I

ANEXO II