DOG 215 do 07/11/2001 - RESOLUCIÓN do 26 de outubro de 2001, da Dirección Xeral de Servicios Sociais, pola que se anuncia concurso público, polo procedemento aberto con trámite de urxencia, para a contratación de servicios para a realización da Campaña Concertada para o Nadal 2001.

VI. ANUNCIOS

DA ADMINISTRACIÓN AUTONÓMICA

CONSELLERÍA DE SANIDADE E SERVICIOS SOCIAIS

RESOLUCIÓN do 26 de outubro de 2001, da Dirección Xeral de Servicios Sociais, pola que se anuncia concurso público, polo procedemento aberto con trámite de urxencia, para a contratación de servicios para a realización da Campaña Concertada para o Nadal 2001.

Obxecto: contrato de servicios para a realización da Campaña Concertada para o Nadal 2001, destinada á terceira idade. Dentro desta campaña recóllense dous lotes: programa Ningún residente sen agasallo e programa Nadal entre amigos.

Orzamento máximo: 26.000.000 de pesetas (IVE incluído).

Lote I: 11.500.000 pesetas.

Lote II: 14.500.000 pesetas.

Prazo de execución: 1 mes.

Forma de adxudicación: procedemento aberto, mediante concurso público polo trámite de urxencia.

Garantía provisional: 2% da totalidade ou de cada un dos lotes ós que concorra.

Clasificación requirida: no caso de presentarse á totalidade da campaña: grupo III, subgrupo 8, categoría D.

Exposición de pregos: os pregos de cláusulas administrativas particulares e de prescricións técnicas poderán examinarse na Subdirección Xeral de Administración e Inspección, da Dirección Xeral de Servicios Sociais, en días hábiles desde as 9 ata as 14 horas, durante o prazo de presentación de proposicións. Internet: www.sergas.es.

Presentación de proposicións: as proposicións deberán presentarse en sobres pechados e asinados polo licitador ou persoa que o represente, no rexistro xeral da Consellería de Sanidade e Servicios Sociais, antes das 14 horas do oitavo día natural contado a partir do seguinte ó da publicación desta resolución no DOG, ou por correo na forma indicada no artigo 100 do Regulamento xeral de contratación.

Apertura de proposicions: a apertura de proposicións admitidas será realizada pola mesa de contratación, reunida en acto público na sala de xuntas da Dirección Xeral de Servicios Sociais ás 10 horas do quinto día natural contado desde o seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o primeiro día hábil seguinte.

Documentación que deberán achega-los licitadores: os documentos sinalados no prego de cláusulas administrativas particulares.

Variantes: non se admiten.

Anuncios: o pagamento dos anuncios deste concurso será por conta do adxudicatario do contrato.

Santiago de Compostela, 26 de outubro de 2001.

P.D. (Orde 21-4-1998)

Mª Dolores Pan Vázquez

Directora xeral de Servicios Sociais