O Consello da Xerencia Municipal de Urbanismo, en sesión do día 11 de outubro de 2001, acordou aprobar inicialmente, por segunda vez, o estudio de detalle U.A.8 As Grades (Oia), promovido polas entidades mercantís Lanzamar, S.A. e Promociones Vital Vigo, S.L., na súa versión definitiva, redactado polos arquitectos José Luis Pereiro Alonso, Alberto Cameselle Lago, Borja Ramilo Méndez e Pedro de la Puente Crespo, visado polo COAG o 6-9-2001 e 25-9-2001.
Sométese este expediente ó trámite de información pública polo prazo dun mes, a través de publicación no DOG, nun dos xornais de maior circulación da provincia e taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes contado desde o derradeiro anuncio.
A documentación deste expediente atópase á disposición do público en xeral na Oficina de Información Urbanística, na planta baixa da xerencia.
Este anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xanei
ro, para todos aqueles propietarios ou interesados directamente afectados que, por resultar descoñecido ou ignorado o seu domicilio, non poidan ser notificados persoalmente.
Vigo, 24 de outubro de 2001.
Lois Pérez Castrillo
Alcalde-presidente da Xerencia Municipal
de Urbanismo