O Consello da Xerencia Municipal de Urbanismo, en sesión do 13 de setembro de 2001, adoptou entre outros, o seguinte acordo:
Primeiro.-Tomar coñecemento do avance do Plan Especial de Reforma Interior do PERI 3 O Raviso, do núcleo 16-04 O Raviso 1, de San Pedro de Sárdoma, expediente 7097/411, de iniciativa municipal, redactado pola arquitecta María A. Leboreiro Amaro, así
como das suxestións formuladas a el pola Oficina Técnica de Planeamento, expresadas na parte expositiva do presente acordo.
Segundo.-Somete-lo expediente a información ó público polo prazo dun mes mediante anuncio que se publicará no Diario Oficial de Galicia e nun dos xornais de maior circulación da provincia, co fin de que as distintas entidades e os particulares poidan formula-las suxestións que se estimen oportunas, e presenta-las propostas de convenios urbanísticos que se estimen procedentes.
Terceiro.-Déase traslado de copia do expediente á CPTOPV, á Delegación do Goberno en Galicia, así como á Comisión Provincial do Patrimonio Histórico e Documental da Delegación Provincial da Consellería de Cultura da Xunta de Galicia e ó Departamento de Patrimonio Histórico e Medio Ambiente do Concello de Vigo, tendo en conta a lexislación sectorial do patrimonio que poida afectar a Augas de Galicia pola incidencia do curso do río Lagares, así como á Demarcación de Estradas do Estado en Galicia e á Demarcación de Estradas da Consellería de Política Territorial, Obras Públicas e Vivenda da Xunta de Galicia, tendo en conta a lexislación sectorial de estradas que a afecta.
O prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.
Vigo, 24 de setembro de 2001.
Lois Pérez Castrillo
Alcalde-presidente da Xerencia
Municipal de Urbanismo