En cumprimento do disposto no artigo 2.4º do Decreto 327/1991, de avaliación dos efectos ambientais para Galicia (DOG número 199, do 15 de outubro), e durante o prazo de vinte días hábiles, someterase o estudio de efectos ambientais ó trámite de información pública mediante anuncio no Diario Oficial de Galicia. Na súa virtude:

RESOLVO:

Someter a información pública, por un prazo de vinte días hábiles, contados a partir da publicación desta reslución, o proxecto de explotación, o estudio de efectos ambientais e o plan de restauración do pase a concesión de explotación Ampliación a San Lucas 2, nº 5.635-2, situada en terreos dos concellos de Lugo e Outeiro de Rei, provincia de Lugo, e solicitado por Ingemarga, S.A.

Para os efectos informativos porase á disposición dos administrados que o soliciten un exemplar del para consulta nas oficinas desta dirección xeral, nas dependencias da delegación provincial de Industria correspondente, así como nos concellos de Lugo e Outeiro de Rei, e as alegacións formularanse durante o prazo sinalado nas mesmas oficinas.

Santiago de Compostela, 24 de setembro de 2001.

Ramón Ordás Badía

Director xeral de Industria