Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Central Eléctrica Sestelo y Cía, S.A.

Domicilio social: avda. Gabino Bugallal, 44, 36860 Ponteareas.

Denominación: L.M.T. e C.T. edificio Siglo XXI na r/ Fdez. Mora esq. San Roque.

Situación: Ponteareas.

Descricións técnicas: L.M.T., subterránea, a 20 kV, de 125 m de lonxitude, con conductor tipo 95 mm Al, desde o centro de distribución San Roque ata o C.T. que se proxecta no edificio Siglo XXI, na r/ Fdez. de la Mora esq. r/ San Roque, no concello de Ponteareas. C.T. de 630 kVA, relación de transformación 20 kV-380/220 V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente ó seu dereito.

Pontevedra, 17 de setembro de 2001.

Carmen Bianchi Valcarce

Delegada provincial de Pontevedra