En cumprimento da resolución da Alcaldía do 9-10-2001 e do disposto nos artigos 78 do R.D.L. 2/2000, do 16 de xuño, do texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obra.

1. Obxecto: rehabilitación interior e ampliación do edificio do antigo matadoiro municipal para centro de día da 3ª idade.

2. Tramitación: urxente.

3. Procedemento: aberto.

4. Sistema de adxudicación: poxa.

5. Prezo e financiamento: trinta e catro millóns de pesetas (34.000.000 de pesetas, equivalentes a 204.344,11 euros) IVE incluído, con cargo á partida orzamentaria 313-622.

6. Prazo de execución: seis meses.

7. Período de garantía: un ano.

8. Fianza provisional: excluída.

9. Fianza definitiva: 4% do importe de adxudicación.

10. Clasificación: empresa de obras, grupo C, subgrupos 4 e 6, categoría c).

11. Presentación de ofertas: durante os 13 días naturais seguintes ó da publicación deste anuncio no DOG, cos requisitos do artigo 8 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.

O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, pza. de España, nº 1, 27700 Ribadeo-Lugo, teléfono: 982 12 86 50, fax: 982 13 09 75, horario de atención ó público de 9 a 14 horas, de luns a venres.

12. Modelo de proposición.

D/Dª... veciño/a de..., con enderezo en..., titular do DNI nº..., en nome propio (ou en representación de..., conforme acredita con poder verificado), informado da poxa tramitada, por urxencia, polo Concello de Ribadeo para a adxudicación, mediante procedemento aberto, das obras de rehabilitación interior e ampliación do edificio do antigo matadoiro para centro de día da 3ª idade, manifesta o coñecemento e conformidade cos pregos de condicións económico-administrativas particulares e de prescricións técnicas, e comprométese a executalas na forma determinada nos citados pregos por un prezo de..., pesetas (en letra e número).

13. Apertura de proposicións: será realizada pola mesa de contratación en acto público, segundo a cláusula 11 do prego, dentro dos 10 días seguintes ó do remate de presentación de ofertas e logo de convocatoria ós licitadores.

Ribadeo, 19 de outubro de 2001.

José Carlos Rodríguez Andina

Alcalde