Por Orde do 23 de maio de 2001 (DOG do 8 de xuño) a Consellería de Educación e Ordenación Universitaria convocou axudas económicas para a realización de actividades de formación dirixidas ó profesorado de niveis non universitarios da Comunidade Autónoma de Galicia durante o ano 2001 e organizadas polos movementos de renovación pedagóxica e as asociacións e fundacións con fins pedagóxicos.

Vista a proposta formulada pola comisión de selección, e de conformidade coa base 10 da convocatoria,

RESOLVO:

Primeiro.-Conceder, con cargo ó concepto orzamentario 07.04.322I.480.0, as axudas que se relacionan no anexo desta orde.

Segundo.-O pagamento das axudas económicas farase, unha vez realizada a debida xustificación. A xustificación farase por actividade, segundo a cantidade asignada pola comisión de selección.

Terceiro.-Amplíase o prazo de xustificación sinalado no punto 11 da convocatoria ata o 30 de outubro de 2001, para as actividades que finalicen ata o 30 de setembro incluído, e mantense o 5 de decembro de 2001 para as actividades realizadas entre o 1 de outubro e o 4 de decembro incluídos.

Cuarto.-Unha vez rematado o prazo de presentación das documentacións xustificativas das axudas económicas concedidas, reunirase a comisión para face-la avaliación destas.

Quinto.-Autorízase a Dirección Xeral de Ordenación Educativa e Formación Profesional para dicta-las instruccións necesarias para a aplicación e desenvolvemento desta orde.

Sexto.-Contra esta resolución os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes contado a partir do día seguinte da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro) que modifica a Lei 30/1992, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 9 de outubro de 2001

Celso Currás Fernández

Conselleiro de Educación e Ordenación Universitaria

ANEXO