De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo I o acordo do delegado provincial desta consellería en Pontevedra, polo que se ordena a incoación do expediente sancionador e de restitución e reposición da legalidade polos feitos sinalados, presumiblemente constitutivos dunha infracción da Lei 22/1988, de costas (no sucesivo LC), e do seu Regulamento xeral para o desenvolvemento e execución da LC, aprobado polo Real decreto 1471/1989 e modificado polos reais decretos 1112/1992 e 1771/1994 (en adiante R.C.); nomeándose o persoal do Servicio de Conservación do Litoral desta delegación provincial, como instructor a Alfonso Fernández Fernández e secretario a Francisco Javier Fernández Rosendo, (Decreto 482/1997, do 26 de decembro, polo que se establece a estructura orgánica da Consellería de Medio Ambiente, modificado polo Decreto

122/1999, do 23 de abril), e adóptanse as medidas provisionais especificadas.

Os nomeamentos do instructor e secretario poderán ser impugnados polas causas establecidas nos artigos 28 e 29 da Lei 30/1992.

De conformidade co establecido no artigo 42.4º da Lei 30/1992, modificada pola Lei 4/1999, do

13 de xaneiro, cómpre informar-lo de que o prazo máximo establecido para a tramitación e resolución do presente expediente é de 6 meses. Transcorrido o referido prazo sen recaer resolución no expediente producirase a caducidade sen que esta implique por si soa a prescrición das accións do particular ou da Administración, pero os procedementos caducados non interromperán o prazo de prescrición (artigos 44.2º e 92.3º da lei citada anteriormente).

Así mesmo, cómpre indicarlle que este prazo de seis meses quedará suspendido:

-Cando deba requirirse ó interesado emenda de deficiencias, achega de documentos e outros elementos de xuízo necesarios, polo tempo que medie entre as notificacións e o seu efectivo cumprimento polo interesado ou, no seu defecto, polo transcurso do prazo concedido.

-Cando deban solicitarse informes, desde a petición do mesmo, que deberá notificarse ó interesado, ata a súa recepción, non excedendo en ningún caso de tres meses.

-Cando deban realizarse probas técnicas ou análises contradictorias, polo tempo necesario para a incorporación dos resultados ó expediente.

En virtude do anterior acordo, o instructor do expediente formulou prego de cargos, do que se relacionan no anexo II os preceptos infrinxidos, sancionadores e a posible contía da sanción polos feitos imputados, dispoñendo o expedientado dun prazo de dez (10) días, contados a partir da publicación deste anuncio no Diario Oficial de Galicia, para formular alegacións e propoñer, se é o caso, a práctica daquelas probas que considere pertinentes para a determinación dos feitos, tal como dispón o artigo 194.8º do R.C.

Pontevedra, 18 de setembro de 2001.

José Luís Díez Yáñez

Delegado provincial de Pontevedra

ANEXO I

Expediente número: 68.5/2001.

Denunciado/a: Martín Carbajal Quintana.

Condición: promotor.

Último enderezo coñecido: r/ Hernán Cortés, nº 15-5º, Vigo.

Data do acordo: 30-8-2001.

Feitos: construcción de cuberta en vivenda con aumento de volume e construcción dun alpendre de perpiaño.

Lugar: As Mariñas.

Concello: Oia.

Medidas de carácter provisional: ordena-la inmediata paralización das obras ou actividades obxecto do presente expediente advertíndolle que, noutro caso, procederase ó seu precinto ou á retirada dos materiais preparados para seren utilizados na obra e a maquinaria afecta á mesma, de conformidade cos artigos 103 e 104 da LC e 194 e 195 do R.C.

Contra esta orde de paralización poderá interpoñerse recurso de alzada perante o conselleiro de Medio Ambiente no prazo dun mes, contado a partir da publicación do presente anuncio no DOG.

Circunstancias modificativas: se o presunto infractor corrixe no prazo de quince (15) días a situación creada polos feitos que son obxecto deste expediente, poderá reducirse ata a metade a contía da multa que puidese impoñerse, segundo os artigos 97.3º da LC e 187.1º do R.C.

ANEXO II

Preceptos infrinxidos: artigos 25 e 26.1º da LC e arts. 46.1º e 48.1º do R.C.. e DD.TT. Cuarta. 2 c) da LC e décimo terceira 1 c) do R.C.

Preceptos sancionadores: art. 90 c) da LC e art. 174 c) do R.C.

Cualificación e contía da posible sanción: arts. 91.2º e) e 97.1º da LC e arts. 175.2º e) e 183 b) en relación co artigo 184 do R.C., podendo recaer unha multa do 25% do valor das obras executadas.