O Pleno do Concello, na sesión do 4 de xuño de 1999, aprobou definitivamente o estudio de detalle reformado do Burgo das Nacións (Campus Norte), que modifica o aprobado definitivamente o 25 de febreiro de 1988, promovido pola Universidade de Santiago de Compostela.
De conformidade co disposto no artigo 48.2º da Lei do solo de Galicia, publicouse no BOP nº 177, do día 3 de agosto de 2001, o texto íntegro da normativa urbanística do estudio de detalle definitivamente aprobado.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contado a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.
Santiago de Compostela, 14 de agosto de 2001.
Encarna Otero Cepeda
Alcaldesa en funcións