De conformidade co establecido no artigo 12 do Regulamento de selección de persoal da Administración da Comunidade Autónoma de Galicia e a base I.4.1. das que rexen o proceso selectivo convocado por Orde do 28 de agosto de 2001 (DOG nº 170, do 3 de setembro), corrección de erros DOG nº 179, do 14 de setembro, esta dirección xeral

RESOLVE:

Aproba-las listas de aspirantes admitidos e excluídos ó proceso selectivo para o ingreso no corpo superior de Administración da Xunta de Galicia, escala de letrados.

A lista de aspirantes admitidos atópase exposta nos taboleiros de anuncios da Consellería da Presidencia e Administración Pública, nos das súas delegacións provinciais, oficinas comarcais da Xunta de Galicia e no da Delegación Territorial da Consellería de Pesca, Marisqueo e Acuicultura en Vigo.

Para efectos de información o teléfono de contacto é 902 12 00 12, en horarios de 9 a 19 horas de luns a venres e de 9 a 14 horas os sábados.

Así mesmo publícase a lista de excluídos, que figura como anexo a esta resolución.

Os aspirantes excluídos disporán do prazo de dez días, contados a partir do seguinte ó da publicación da presente resolución, para emenda-lo defecto que motivase a exclusión.

Se dentro do prazo sinalado non corrixen o defecto motivo da exclusión serán definitivamente excluídos.

Os aspirantes que non figuren na lista de admitidos nin na de excluídos disporán do mesmo prazo, co obxecto de formular reclamación.

Santiago de Compostela, 4 de outubro de 2001.

Joaquín López-Rúa Soler

Director xeral da Función Pública

ANEXO

Acceso libre

Causas de exclusión

32. Non optar por ningún idioma comunitario.

53. Falta de DNI ou DNI incorrecto.

54. Excluído por non ter ou acredita-la idade esixida.

55. Non cumprir ou acredita-lo requisito de titulación.

56. Defecto de forma na presentación da solicitude.