No Xulgado do Contencioso-Administrativo número dous de Pontevedra tramítase o recurso número 159/2001 (procedemento abreviado), interposto por Leonarda María Barcia Domínguez na súa condición de aspirante incluída na lista para vinculacións temporais da categoría de médicos de familia (Pontevedra-norte). A recorrente pretende a valoración, polo epígrafe de experiencia profesional, do período de formación como médico residente do programa MIR e unha puntuación total de 17,91 puntos.
O que se notifica para xeral coñecemento de tódalas persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 26 de setembro de 2001.
Valeriano Martínez García
Director xeral da División de Recursos Humanos