Aprobado o prego de cláusulas administrativas particulares da obra de prolongación da rede de auga nas parroquias de Felmil, Gaibor, e abastecemento na parroquia de Santalla, 1ª fase, ponse a información pública polo prazo de oito días para efectos de reclamacións. Así mesmo, anúnciase a convocatoria do concurso para a contratación da devandita obra; aínda que, no suposto de que se produciren reclamacións contra o prego, a contratación se aprazará ata que sexan resoltas polo órgano de contratación.

Obxecto: obras de prolongación da rede de auga nas parroquias de Felmil, Gaibor e abastecemento na parroquia de Santalla, 1ª fase.

Orzamento: 14.120.295 pesetas, IVE incluído.

Garantía provisional: 282.406 pesetas.

Garantía definitiva: 564.812 pesetas.

Prazo de execución: seis meses.

Información: oficinas municipais do Concello de Begonte.

Proposicións: deberán presentarse na secretaría xeral do concello, das 10 ás 14 horas, durante os trece días naturais seguintes ó da última publicación do anuncio de licitación no BOP ou no Diario Oficial de Galicia.

Gastos do anuncio: os gastos deste anuncio serán por conta do adxudicatario.

Begonte, 21 de setembro de 2001.

O alcalde

Rubricado