Outorgada a declaración de utilidade pública, en concreto, por resolución da Consellería de Industria e Comercio de data 29 de maio de 2001, que leva implícita a urxente ocupación dos bens e dereitos afectados polas instalacións eléctricas do referido parque eólico (expediente 21/1999) a prol da entidade beneficiaria Endesa Cogeneración y Renovables, S.A. con enderezo en r/ Castiñeiriño, 12-3º, 15702 Santiago de Compostela (A Coruña).

Esta delegación acorda sinala-los días 5 e 6 de novembro de 2001 para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957, nas que se describirán os bens ou dereitos contidos na relación de predios anexo a esta resolución, afectados por expropiación ou servidumes de paso por producción de enerxía eléctrica; acto ó que deberán concorre-los propietarios propostos dos predios afectados, ós que se lles practicará notificación individual, sinalándoselles os días e horas nos que se levará a efecto o levantamento das actas nas oficinas da Casa do Concello de Ortigueira, sen prexuízo de desprazarse ós predios.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así, dirixirlle ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 22 de agosto de 2001.

Manuel Estévez Mengotti

Delegado provincial da Coruña en funcións

ANEXO

Relación de propietarios, bens e dereitos afectados polas instalacións do parque eólico da Faladoira.

Obra: parque eólico da Faladoira.

Concello de Ortigueira.