Na Resolución do 10 de maio de 2001, da Dirección Xeral de Industria, publicada no DOG nº 95, do 18 de maio, regúlanse, entre outras cuestións, a composición dos tribunais así como as datas e horas de realización dos exames.
Desde a publicación da citada resolución de convocatoria de exames producíronse cambios na situación administrativa de algúns funcionarios que formaban parte dos tribunais, que fai necesaria a designación de novos membros, en substitución dos que se fan constar na devandita resolución.
Así mesmo, resulta necesario modificar algunha das datas dos exames da segunda convocatoria, nun caso porque a data anteriormente fixada era un día non hábil, e no outro pola necesidade de separar en diferentes datas as probas de instalador e mantedor de calefacción e auga quente sanitaria ás que se poden presentar as mesmas persoas, o que impide a realización das probas o mesmo día.
En consecuencia, e en virtude da competencia que me atribúe o artigo 5 da Orde do 27 de decembro de 2000, da Consellería de Industria e Comercio
RESOLVO:
Primeiro.-Modifica-la data do exame de instalador e mantedor de calefacción e auga quente sanitaria
e de instalador e conservador-reparador frigorista, que se establecen na base segunda, punto 2.1. Os citados exames realizaranse nos días e horas seguintes:
-Instalador de calefacción e auga quente sanitaria: 27 de novembro, ás 9 horas.
-Mantedor de calefacción e auga quente sanitaria: 28 de novembro, ás 9 horas.
-Instalador e conservador-reparador frigorista: 16 de novembro, ás 9 horas.
Segundo.-Modificar parcialmente a composición dos tribunais números 3, 7 e 9, establecidos na base sétima, designando como secretario deles os seguintes membros:
Tribunal nº 3:
Secretaria: Lourdes Courtier Ramos.
Tribunal nº 7:
Secretaria suplente: Lourdes Courtier Ramos.
Tribunal nº 9:
Secretario: Ángel Bernardo Tahoces.
Santiago de Compostela, 25 de setembro de 2001.
Ramón Ordás Badía
Director xeral de Industria