Publicadas no Diario Oficial de Galicia nº 160, do 20 de agosto de 2001, as ordes do 30 de xullo de 2001, polas que se convocan os procesos selectivos para o acceso a categorías correspondentes ós grupos I, II, III, IV e V do persoal laboral da Xunta de Galicia, esta consellería, no uso das competencias que lle atribúe o artigo 10 do III convenio colectivo
único para o persoal laboral da Xunta de Galicia, e oída a Comisión de Persoal,
DISPÓN:
Primeiro.-Modifica-la base II.1.3 das convocatorias, que queda redactada do seguinte xeito:
«Os méritos enumerados nas bases II.1.1 e II.1.2 deberán referirse ó 30 de setembro de 2001».
Segundo.-Incluír na páxina número 11.111, no anexo I, as titulacións de licenciado ou diplomado en ciencias do mar ou en farmacia entre as requiridas para o acceso á categoría de oficial de laboratorio (grupo III, categoría 61).
Terceiro.-Incluír na páxina nº 11.122, no anexo I, as titulacións de FP1 rama sanitaria ou FP2 rama sanitaria, especialidade laboratorio, anatomía patolóxica entre as requiridas para o acceso á categoría de auxiliar de laboratorio (grupo IV, categoría 11).
Cuarto.-Contra esta resolución, que pon fin á vía administrativa, pódese interpoñer, con carácter potestativo, recurso de reposición ante o conselleiro da Presidencia e Administración Pública no prazo dun mes, contado desde o día seguinte ó da publicación desta orde, ou directamente o contencioso-administrativo, no prazo de dous meses contados desde o día seguinte ó da súa publicación, ante o Xulgado do Contencioso-Administrativo de Santiago de Compostela, conforme os artigos 8, 14 e 46 da Lei 29/1988, do 13 de xullo, reguladora da xurisdicción contencioso-administrativa. O persoal que accede pola quenda de promoción interna poderá interpoñer reclamación previa á vía xudicial laboral no prazo dun mes, contado desde o día seguinte ó da súa publicación no Diario Oficial de Galicia, conforme os artigos 69 e seguintes do Real decreto lexislativo 2/1995, do 7 de abril.
Santiago de Compostela, 24 de setembro de 2001.
Jaime Pita Varela
Conselleiro da Presidencia e Administración
Pública