A Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 6 sinala a obriga de que os prezos privados sexan fixados polas consellerías correspondentes, logo de informe favorable da Consellería de Economía e Facenda e publicados no Diario Oficial de Galicia.
Para cumprir este mandato e despois de emitido o preceptivo informe favorable da Consellería de Economía e Facenda, esta consellería
DISPÓN:
Artigo único.
1. Queda aprobado o prezo de venda ó público da publicación editada por esta consellería e que se relaciona no anexo.
2. Este prezo enténdese con IVE incluído.
Santiago de Compostela, 28 de agosto de 2001.
Antonio Pillado Montero
Conselleiro de Xustiza, Interior e Relacións Laborais
ANEXO
Título: Recompilación normativa sobre prevención de riscos laborais. Edición actualizada.
Prezo: 3.000 pesetas.