A Dirección Xerencia do Complexo Hospitalario Arquitecto Marcide -Profesor Novoa Santos, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 21 de abril de 1998 (DOG nº 88, do 11 de maio), sobre delegación de competencias en órganos centrais e periféricos do Sergas, modificada pola Orde de 23 de marzo de 2000 (DOG nº 104, do 30 de maio), convoca os seguintes concursos públicos:

1. Entidade adxudicadora: Servicio Galego de Saúde, Complexo Hospitalario Arquitecto Marcide -Profesor Novoa Santos, Servicio de Subministracións-Unidade de Contratación, estrada de San Pedro, s/n, E-15405 Ferrol (A Coruña).

Teléfono: 981 33 45 14. Telefax: 981 33 40 84.

2. a) Modalidade de adxudicación: concurso público.

b) Forma de contrato: procedemento aberto, tramitación ordinaria.

3. a) Lugar da execución: C.H. A. Marcide -P. Novoa Santos.

b) Obxecto do contrato, número CPA: CPV:

-Expediente: C.P. 31/2001. (Subministracións sucesivas e arrendamento).

Título: reactivos e arrendamento dun analizador que desenvolva o catálogo de probas de hormonas.

Importe total: 65.347.931 ESP / 392.748,98 eur (IVE incluído).

-Expediente: C.P. 32/2001. (Subministracións sucesivas e arrendamento).

Título: reactivos e arrendamento autoanalizadores automáticos bioquímica.

Importe total: 49.898.400 ESP / 299.895,42 eur (IVE incluído).

4. Prazo máximo de terminación ou duración do contrato, de inicio ou de entrega: segundo se indica na folla de especificacións do prego-tipo de cláusulas administrativas particulares.

5. a) Solicitude da documentación: véxase o punto 1. Unidade de Contratación.

b) Data límite de solicitude: 11 de outubro de 2001.

6. a) Data límite de recepción das proposicións: (14 horas), do día 19 de outubro de 2001.

b) Enderezo: véxase o punto 1, rexistro xeral.

c) Idiomas: castelán e galego.

7. a) Persoas admitidas á apertura de plicas: acto público.

b) Data, hora e lugar: (10 horas). Véxase o punto 1, sala de xuntas, do día 30 de outubro de 2001.

8. Fianzas e garantías: fianza provisional: 2% do orzamento de licitación.

Fianza definitiva: 4% do orzamento de licitación (subministración) máis 4% do orzamento de adxudicación (arrendamento).

9. Modalidades de financiamento e pagamento: mediante pagamentos parciais, en base ás entregas igualmente parciais da subministración, debidamente recepcionadas e facturadas (subministración). Mediante pagamentos periódicos a mensualidades vencidas, unha vez facturado e dada conformidade pola Administración (arrendamento).

10. Forma xurídica da agrupación: ás unións de empresarios poderán participar neste concurso nos termos previstos no artigo 24 do Real decreto lexislativo 2/2000, de 16 de xuño, polo que se aproba o texto refundido da Lei de contratos das administracións públicas.

11. Condicións mínimas: as condicións que se establecen no prego-tipo de cláusulas administrativas particulares.

12. Prazo de validez da proposición: 3 meses desde a data de apertura de proposicións.

13. Criterios da adxudicación: os que se establecen no punto 13 da folla de especificacións do prego-tipo de cláusulas administrativas particulares.

14. Variantes: non se admiten.

15. Información adicional: véxase o punto 1.

16. Data de publicación do anuncio de información previa:

17. Data de envío do anuncio: 28 de agosto de 2001.

18. Data de recepción do anuncio:

Ferrol, 20 de agosto de 2001.

Pedro Molina Coll

Director xerente do Complexo Hospitalario

Arquitecto Marcide-Profesor Novoa Santos de Ferrol